Baldatikako azterketan egiten aritu ondoren zuzenketa kolektiboa egin behar izan genuan eta bertatik hainbat ondorio atera nituen nere proiekturako onuragarriak izan zitezkeenak.
Hasiera batean egindako azterketatik "zentral hidroelektrikoa" berreskuratzearen ideai sortu zen eta horrekin bat, gaur egun mantentzen duten ogiaren ohitura kooperatiba txiki batean isladatzea, baino zuzenketan beste hainbat faktore agertu ziren, hala nola, inguruko pinudien erabileraren inguruko gogoeta edota baratzak eta merkatuen ingurukoa.
Nere proiektua gauzatzeko zirkulu itxi bat beharrezkoa nuela pentsatu nuen; zirkulu itxi hori aktibatzeko elementu generadore bat eduki behar nuen baita ere; batetik, Baldatikara bizitza ekartzeko gai dena eta bestetik, onura jakinen bat emango ziena bertakoei zein bertara doazen auzokide berriei. Eta jakina bertan garai baten egondako ekintza bat izanez gero are hobeto.
Beraz, hasierako azterketan agertutako zentral elektrikoa generadore hori izan daitekeelakoan planteatu dut nire proiektua. Orain dela hainbat urte ibai ertzean funtzionamenduan zegoen errota berreskuratu egingo dut ur jauzi txiki baten bitartez Baldatika ingururako elektrizitatea lortzeko, auzuneak eletrizitatea doan jasoko du zentral txiki honen mantenimenduan auzolaguenen artean egitearen truke.
Baino logikoa denez, zentral elektriko txiki bat eta honek doan sortzen duen elektrizitatea ez da nahiko auzoari eman nahi diogun bizia emateko, baino hasierako puntua izan daiteke jendea erakartzeko.
Hurrengo eskeman zirkulua ixteko erabiltzen diren elementuak argi agertzen dira:
Proiektua gauzatzeko beharrezkoa den historia badaukat, eta behin zirkulua behin itxita egon elementu bakoitzaren garapena beharrezkoa da.
Baldatikako eremuan murgiltzen garela, nire proiekturako bi gune bereiz ditut; Baldatikako eliza eta elkartearen artean sortzen den bideari jarraituz Olaeta izeneko baserri multzo txiki batera ailegatu gaitezke eta beherago joaten bagara ibai ondoan kokatzen den errota zahar batekin topatuko gara.
Kontuan hartuta ur saltoa errota zaharra dagoen tokian kokatzen dudala bide batez eremu honetako jendearentzat aisialdirako gune bat sortzen dut. Ondorioz, Olaeta eta Baldatika lotzen zituen bidea berreskuratu eta hiru eta hiru eremu hauek lotzea da egiten dudana.
Kokapen plano orokorra:
Elementu bakoitzaren azalpen zehaztuagoa:
_"Zentral hidroelektrikoa" eta inguruan sortzen den aisialdirako gunea
Ur saltoa ibairen ondoan egoteko beharra dauka nahi ta ez, eta bide batez aisialdirako gunea sortzeko aukera eskeintzen dit.
Bertan bizi den jendeak leku atsegin bat uraz zein mendiaz goxatzeko aproposa dena edukitzeko eskubidea du ere, udan Gernika edota Bermeoko igerileku zein hondartzetara joateko beharra ez edukitzeko eskubidea. Beraz, malda handiak dituen eremu honetan, berreskuratu beharreko errota irekitzen den eremu lauago batean kokatzen dela ikusita, aukera ezin hobeagoa da leku atsegin eta lasai bat planteatzeko.
_Zerrategia
Elektrizitatea doan edukitzeak jendea erakarriko duelakoan, etxebizitza berriak eraikitzeko beharra egongo da.
Landalurrak beharrezkoak ez ziren momentuan pinuak landatzeko joera egon zen, gaur egun, pinu hoiei ez zaie erabilerarik ematen eta eraikitzeko egokiak direla jakina da. Beraz, Baldatikara bizitzera datorrena bertan bizitzearen truke, bertakoei onurak ekarriko dizkiolakoan, berriak egiten diren etxe denak bertako biztanleei erositako egurrarekin egin beharko dira, egurrarekin eraiktzeko beharraren ondorioz zerrategi baten eraikitzea.
_Etxebizitzak
Etxebizitzak zerretegiarekin zuzenean lotuak daude; egurrarekin ekoitzi daitezkeen tamainen araberakok izango direlako, zerrategian moztuko diren pieza handienak 5 metrokoak izango dira (habe 5m; habexka 3m eta zutabe 3,5m) (horrekin zerrategiaren eraikinaren tamaina era mugatu egiten da) beraz pieza hauen konbinaketaz ateratzen diren moduluen arabera egingo dira etxebizitzak.
Kokapena eta etxebizitzek jarraituko duten idea azaltzeko eskema txiki batzuk, azkenean azterketa egiten hasi ginen momentutik ateratako ondorioei erantzun bat emateko asmotan diseinatuko ditut.
Behin hasierako ideia eta eskema hauek dauzkadala orain lantzea dagokit.
